In quest'ultimo giorno di festa i ricordi si affollano, e allora , butto giù un breve racconto... e spero che vi piaccia !
Eh si, quistu era l'unicu penzieru ca ne girava a 'ncapu , lu 5 te gennaiu, alli piccinni te na fiata. Dopu Natale e Caputannu, li vagnuni nu bitiane l'ora cu rriva la Befana! L'attesa era tanta e l'emozzione nu bbe ticu! Na fiata cce ghiera comu moi?ca li piccinni li bbinchiane te ggiocattuli , ca poi forzi, mancu sciocane .Lu regalu te rrivava na fiata all'annu, te la Befana, e se puru, ca a fiate, te certe case, la vecchiareddhra passava taritta. La sera se ppendia allu focalire lu cazzettu vecchiu, menzu bbucatu, cu la speranza ca allu crammatina lu truvavane chinu...ma, qualche fiata, ccappava ca rimanìa vacante.
Mah, forzi percè sta criscìa, ma te tandu me vinne qualche sospettu sulla Befana...esistìa pe ddaveru o era n'invenzione te genitori e nonni?...comunque ,era na bbella invenzione , e gh'era meju cu facimu finta ca critiame!