Ancora nu n'hìa mancu llucisciutu, lu paese era desertu, forzi pe lu forte jentu te tramuntana ca rrivava tarittu te lu nord, e lì cristiani li ' ncriscia cu essane te casa. Lu Pietruzzu , però, comu ogni matina, scindia te casa cu se fazza na tirata alla pipa te
criddhra sullu purtone sua, n'abbitudine ca n'hìa rimastu te quandu scia cu fatica. A ddire la verità, ddhra matina, cu lu friddu ca facìa ,sta lu 'ncriscia nu picca cu scinda, ma n'hìa parsitu ca hìa 'ntisu qualche rumore sotta casa sua. Appena apriu la porta ne rrivau a 'nfacce na bbotta te aria fridda ca lu fice tremulare. Se zzau lu collu te lu tabarru, e ssiu a ddhra fore cu controlla. 'Ntise comu nu schiamu leggeru e 'mpizzau ricche cu bicia te ddhru venìa. N'attimu te silenziu e lu 'ntise 'ntorna...era vicinu. Se ggirau a sinistra te lu portone sua e vitte na sporta 'mpisa alla porta te la chesiceddhra te la Matonna te Custantinopuli. Ne parse na cosa strana, cce 'nci putìa essere intru a ddhra sporta? Se 'mbicinau e apriu la sporta chianu chianu...rimase senza palore! Lu core ne zzumpau a 'mpiettu quandu vitte cce nc'era a ddhrintru. Nturtijata a mmienzu a na pezza crande te pannu vecchiu,'nc'era na piccinna appena nata...bbeddhra, cu la facciceddhra tunda tunda, li capiddhi neri neri a stoccature, l'occhiceddhri perti appena appena,è lì musiceddhri violascuri pe lu friddu.